Բաքու-Թբիլիսի-Կարս երկաթգծի Ախալքալաքի կայարանում հրդեհ է բռնկվել

ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ։ Բաքու-Թբիլիսի-Կարս երկաթուղու Ախալքալաքի հատվածի հոսանքի տրանսֆորմատորային կայանում նոյեմբերի 1-ին երեկոյան ժամը 22։00-ի սահմաններում հրդեհ է բռնկվել։ Այդ մասին տեղեկացնում է «Արմենպրես»-ը՝ վկայակոչելով  Jnews.ge կայքը։ 

Հրդեհը բռնկվել է տանիքի հատվածից, պատճառները դեռ  հայտնի չեն։

Բաքու-Թբիլիսի-Կարս երկաթուղին սկսել է կառուցվել 2007 թվականին, իսկ գործարկվել է 2017 թվականին։