Կարեն Խաչանովը դուրս եկավ Փարիզի մրցաշարի քառորդ եզրափակիչ

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական արմատներով ռուսաստանցի թենիսիստ Կարեն Խաչանովը թենիսի Փարիզի Մսստերս մրցաշարի քառորդ եզրափակիչում է:

«Արմենպրես»-ի հաղորդմամբ` Փարիզի Մաստերս մրցաշարի տղամարդկանց մենախաղի երրորդ շրջանում Կարեն Խաչանովը մրցեց աշխարհի 24-րդ ռակետ Ավստրալիան ներկայացնող Ալեքսեյ Պոպիրինի հետ: Մոտ երկու ժամ ձգված մրցախաղում Խաչանովն առավելության հասավ երկու սեթում` 7:6, 6:4 հաշվով: 

Խաչանովը դուրս եկավ Փարիզի Մաստերս մրցաշարի քառորդ եզրափակիչ:

Կարեն Խաչանովը պրոֆեսիոնալ թենիսիստների ասոցիացիայի (ATP) վարկանիշային աղյուսակում 24-րդն է: Նա 4 անգամ հաղթել է միջազգային ֆեդերացիայի հովանու ներքո անցկացվող մրցաշարում: Նա Տոկիոյի 32-րդ ամառային Օլիմպիական խաղերի արծաթե մեդալակիր է: Հայկական արմատներով ռուսաստանցի թենիսիստի լավագույն արդյունքը եղել է 2019 թվականին, երբ նա հասել է Rolan-Garros-ի քառորդ եզրափակիչ և 2021 թվականին՝ դարձյալ քառորդ եզրափակիչ Ուիմբլդոնում, իսկ 2022-ին նա հասավ US Open-ի կիսաեզրափակիչ: 2023 թվականին էլ Խաչանովը դուրս մնաց AusOpen-ի կիսաեզրափակչից: