Հայաստանում գտնվող Վրաստանի քաղաքացիները ընտրությունների օրը կկարողանան քվեարկել դեսպանատանը
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում գտնվող Վրաստանի քաղաքացիները հնարավորություն կունենան մասնակցելու հոկտեմբերի 26-ին Վրաստանում կայանալիք խորհրդարանական ընտրություններին:
«Արմենպրես»-ի փոխանցմամբ՝ Հայաստանում Վրաստանի դեսպանությունը հայտարարություն է տարածել:
«Հարգելի հայրենակիցներ, տեղեկացնում ենք, որ Վրաստանում հոկտեմբերի 26-ին կայանալիք խորհրդարանական ընտրություններին քվեարկել ցանկացողների համար Վրաստանի դիվանագիտական ներկայացուցչությունների ու հյուպատոսական հիմնարկների ընտրատեղամասերը բաց կլինեն տեղի ժամանակով ժամը 8:00–20:00-ն»,–ասված է հայտարարությունում:
Ընտրողին նույնականացնելու համար հորդորում են ունենալ անձը հաստատող վավեր փաստաթուղթ՝ անձնագիր կամ անձը հաստատող էլեկտրոնային փաստաթուղթ: