Էլինա Ավանեսյանը նորից առաջադիմել է WTA դասակարգման աղյուսակում

ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Պրոֆեսիոնալ թենիսիստ Էլինա Ավանեսյանը կրկին բարելավել է դիրքը WTA վարկանիշային աղյուսակում:

«Արմենպրես»-ի հաղորդմամբ` դասակարգման նոր աղյուսակում Էլինա Ավանեսյանը նախորդ աղյուսակի համեմատ առաջադիմել է երեք հորիզոնականով` նա այժմ 45-րդն է աշխարհում:

Էլինա Ավանեսյանը ծնվել է Ռուսաստանի Պյատիգորսկ քաղաքում 2002 թվականին: Ավանեսյանը  Հայաստանի դրոշի ներքո հանդես է գալիս 2024 թվականի օգոստոսից: