1 րոպեի ընթերցում
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Տիգրան Բարսեղյանը երկարաձգել է պայմանագիրը «Սլովան»-ի հետ:
«Արմենպրես»-ի հաղորդմամբ` Սլովակիայի բազմակի չեմպիոն Բրատիսլավայի «Սլովան»-ը Տիգրան Բարսեղյանի հետ պայմանագիրը երկարաձգել է մինչև 2027 թվականի հունիս ամիսը:
Հայաստանի ֆուտբոլի ազգային թիմի կիսապաշտպան Տիգրան Բարսեղյանը «Սլովան» տեղափոխվել է 2022 թվականին: Նա այդ ակումբի կազմում երեք անգամ դարձել է Սլովակիայի չեմպիոն: