Բռնցքամարտիկ Էլիդա Քոչարյանը կպայքարի Մ22 տարեկանների Եվրոպայի չեմպիոնի կոչման համար

ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի բռնցքամարտի կանանց ընտրանու անդամ Էլիդա Քոչարյանը երկրորդ տարին անընդմեջ մինչև 22 տարեկանների Եվրոպայի առաջնության եզրափակիչում է ու կփորձի պաշտպանել տիտղոսը:

«Արմենպրես»-ի հաղորդմամբ` կիսաեզրափակիչում Քոչարյանը մրցեց լատվիացի Աննա Սորոկինայի հետ ու բոլոր ռաունդներում ունենալով մեծ առավելություն` հաղթեց 5:0 հաշվով: Ոսկե մեդալը հայ մարզիկը  կվիճարկի Ուկրաինայի ներկայացուցիչ Տատիանա Դովգալի հետ:

Հոկտեմբերի 17-ին երեկոյան ռինգ դուրս կգան տղամարդիկ: Հայաստանն ունի 4 բռնցքամարտիկ, որոնք ապահովել են առնվազն բրոնզ: