Իսրայելի կենտրոնական հատվածում օդային տագնապի ազդանշաններ են հնչել

ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Իսրայելի ամբողջ կենտրոնական հատվածում և Թել Ավիվում օդային տագնապի ազդանշաններ են հնչել։

«Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ի թղթակիցը։

Ըստ իսրայելական Tzeva Adom հրթիռային նախազգուշացման համակարգի՝ ահազանգը միացվել է ողջ տարածքում՝ Թել Ավիվի հարավային արվարձաններից մինչև Հայֆա տանող հատված։

Իսրայելական բանակը հայտնել է, որ տագնապի ազդանշանը հնչել է «Հեզբոլլահ»-ի հրթիռների պատճառով։