Ալեքսանդր Պետրակովը Ֆարերյան կղզիների դեմ խաղից դրական ակնկալիքներ ունի

ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային ընտրանու գլխավոր մարզիչ Ալեքսանդր Պետրակովն Ազգերի լիգայի երրորդ տուրում Ֆարերյան կղզիների դեմ հոկտեմբերի 10֊ին կայանալիք խաղից դրական ակնկալիքներ ունի։

«Մեզ լավ հանդիպում է սպասվում: Խաղադաշտն արհեստական խոտածածկ ունի: Կմարզվենք, կհասկանանք: Ամեն ինչ կարգին է, բոլորն առողջ են»,-«Արմենպրես»-ի հաղորդմամբ` այս մասին նախախաղային ասուլիսի ժամանակ ասաց Պետրակովը:

Ֆուտբոլի Ազգերի լիգայի երրորդ տուրի շրջանակներում Հայաստանի ֆուտբոլի ազգային թիմը հոկտեմբերի 10-ին արտագնա հանդիպում կանկացնի Ֆարերյան կղզիների հետ: Հանդիպումը կմեկնարկի Երևանի ժամանակով 22:45-ին: