ԳԱՎԱՌ, 13 ՍԵՊՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Գավառ համայնքում ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում ընթանում են Գավառ քաղաքի Հացառատ թաղամասի Կարեյան փողոցի հիմնանորոգման աշխատանքները։
Ինչպես «Արմենպրես»-ը տեղեկացավ Գավառի համայնքապետարանի աշխատակազմից, Հացառատ թաղամասի Կարեյան փողոցի հիմնանորոգման ծրագրի պայմանագրային արժեքը կազմում է 74 մլն 144 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։
Ծրագրով նախատեսված է Կարեյան փողոցի ասֆալտապատում՝ 650 մ երկարությամբ և 3996 քմ մակերեսով, ջրահեռացման համակարգի և մայթերի կառուցում։
Շինարարական աշխատանքները սկսվել են սեպտեմբերի 8-ից և կավարտվեն այս տարվա ընթացքում։
Շինարարությունն իրականացնում է «Գավառի ՃՇՇ» ԲԲԸ-ն։
Խոսրով Խլղաթյան