Մոսկվայի հոսթելներից մեկում 439 օտարերկրացի է ձերբակալվել

ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Մոսկվայում 439 օտարերկրացի է ձերբակալվել Պրոֆսոյուզնայա փողոցում գտնվող հոսթելում. նրանք կստուգվեն միգրացիոն օրենսդրության պահպանման և քաղաքում կատարված իրավախախտումներին հնարավոր մասնակցության նպատակով: 

Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հաղորդել է ՌԴ քննչական կոմիտեի մայրաքաղաքային գլխավոր վարչությունը:

Հոսթելում խուզարկություններն անցկացվել են քրեական գործով, որն ավելի վաղ հարուցվել էր ծայրահեղական միություն կազմակերպելու փաստի առթիվ (Քրեական օրենսգրքի 282.2 հոդված)։ Քննիչները տեղեկություն են ստացել, որ հոսթելում խախտվում է միգրացիոն օրենսդրությունը։

Հոսթելի ղեկավարությունն ու վարչակազմը տեղափոխվել են Մոսկվայի Քննչական կոմիտեի ստորաբաժանում՝ հետաքննչական գործողություններ անցկացնելու համար։