Ջոն Բոն Ջովին փրկել է կամրջից նետվել փորձող կնոջը
1 րոպեի ընթերցում
![Ջոն Բոն Ջովին փրկել է կամրջից նետվել փորձող կնոջը](http://armenpress.am/resized/480/storage/images/articles/2024/09/12/P4L4uQwrmAIwfuohcN1HTFBs2qranHDH2elehVX1.webp)
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ։ Ամերիկացի ռոք աստղ Ջոն Բոն Ջովին ԱՄՆ-ի Նեշվիլ քաղաքում տեսահոլովակի նկարահանումների ժամանակ օգնել է դժվար իրավիճակում գտնվող մի կնոջ, որn անցել էր ճաղերից այն կողմ և կանգնել կամրջի եզրին։ «Արմենպրես»-ի փոխանցմամբ՝ այս մասին հաղորդում է BBC-ն։
Նեշվիլի ոստիկանությունը տարածել է տեսանյութ, որում երևում է, թե ինչպես են Բոն Ջովին և նրա թիմի անդամներից մեկը մոտենում կնոջը, զրուցում նրա հետ, այնուհետև օգնում վերադառնալ կամրջի ճաղերից այս կողմ։
Ոստիկանությունը գովասանքի խոսքեր է ասել Բոն Ջովիին և նրա թիմին՝ նշելով, որ միմյանց անվտանգ պահելու համար հարկավոր է բոլորի ջանքերի համախմբումը։