Իրանի նախագահ Փեզեշքիանն իր առաջին օտարերկրյա այցով գտնվում է Իրաքում
1 րոպեի ընթերցում
![Իրանի նախագահ Փեզեշքիանն իր առաջին օտարերկրյա այցով գտնվում է Իրաքում](http://armenpress.am/resized/480/storage/images/articles/2024/09/11/aPR20L9pOldGzlgadS6t9MYv7hPVAP9jeHg4IKnw.webp)
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ։ Իրանի նախագահ Մասուդ Փեզեշքիանն իր առաջին օտարերկրյա այցը կատարել է Իրաք։ Նախագահին և նրան ուղեկցող պատվիրակությանն ընդունել է Իրաքի նախագահ Աբդուլ Լատիֆ Ջամալ Ռաշիդը Բաղդադի Ալ Սալամ պալատում։ «Արմենպրես»-ի փոխանցմամբ՝ այս մասին հաղորդում է իրաքյան Shafaq News գործակալությունը։
Մասուդ Փեզեշքիանը սեպտեմբերի 11-ին Բաղդադ է ժամանել Իրաքի վարչապետ Մուհամեդ Շիա ալ Սուդանիի պաշտոնական հրավերով։
Այցի ընթացքում Փեզեշքիանը և ալ Սուդանին կհետևեն երկու երկրների միջև համագործակության տարբեր ոլորտներում մի շարք փոխըմբռնման հուշագրերի ստորագրման արարողությանը։
Իրանի նախագահը նաև նախատեսում է այցելել Նաջաֆ, Բասրա և Քուրդիստանի նահանգ։