1 րոպեի ընթերցում
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Հնդկաստանի հարավային Տելանգանա նահանգում հորդառատ անձրևներից առաջացած ջրհեղեղների հետևանքով առնվազն 29 մարդ է զոհվել:
«Արմենպրես»-ի հաղորդմամբ՝ այս մասին հայտնում է Business Standard-ը՝ վկայակոչելով նահանգի գլխավոր քարտուղար Շանտի Կումարիին։
Նրա տեղեկատվությամբ՝ վերջին հորդառատ անձրևների և ջրհեղեղների հետևանքով 29 մարդ է զոհվել նահանգում, որի 33 շրջաններից 29-ը հայտարարվել են ջրհեղեղից տուժած:
Նահանգային իշխանության նախնական գնահատականներով՝ անձրևների և ջրհեղեղների հետևանքով վնասը գնահատվել է 5 միլիարդ 438 միլիոն ռուփի: