Համոզված եմ՝ ՀՀ-ի և Ուկրաինայի միջև համագործակցության շարունակությունը մի շարք նոր ձեռքբերումներ կբերի․ Ուկրաինայի ԱԳ նախարար
1 րոպեի ընթերցում
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ։ Ուկրաինայի արտաքին գործերի նորանշանակ նախարար Անդրեյ Սիբիհան X-ի իր էջում պատասխանել է Հայաստանի Հանրապետության նախարար Արարատ Միրզոյանի շնորհավորանքին։
«Շնորհակալ եմ շնորհավորանքի համար։ Համոզված եմ՝ ՀՀ-ի և Ուկրաինայի միջև կառուցողական և կարևոր համագործակցության շարունակությունը մի շարք նոր ձեռքբերումներ կբերի»,-«Արմենպրես»-ի հաղորդմամբ՝ գրել է Սիբիհան։
Ավելի վաղ, Հայաստանի Հանրապետության արտաքին գործերի նախարար Արարատ Միրզոյանը շնորհավորել է Անդրեյ Սիբիհային Ուկրաինայի արտաքին գործերի նախարարի պաշտոնում նշանակվելու կապակցությամբ։