Բնակարանի հրդեհ Երևան քաղաքի Ռուբինյանց փողոցում․տուժածներ չկան
1 րոպեի ընթերցում
![Բնակարանի հրդեհ Երևան քաղաքի Ռուբինյանց փողոցում․տուժածներ չկան](http://armenpress.am/resized/480/storage/images/articles/2024/09/06/e829tG2ceBFhMieAilKzay0mCCxzSVt0X2qlOfif.webp)
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը սեպտեմբերի 6-ին, ժամը 15։52-ին ահազանգ է ստացել, որ Երևան քաղաքի Ռուբինյանց փողոցի շենքերից մեկի 5-րդ հարկի բնակարաններից մեկից ծուխ է նկատվում։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և մեկ ավտոսանդուղք:
Պարզվել է, որ բնակարաններից մեկում հրդեհ է բռնկվել։
Ըստ աղբյուրի՝ հրդեհը մեկուսացվել է ժամը 16։12-ին, մարվել՝ 16։27-ին։ Հյուրասենյակում (մոտ 16 քմ) այրվել են գույք և կենցաղային տեխնիկա, ջերմահարվել՝ շքամուտքը, խոհանոցը (մոտ 20 քմ) և խոհանոցի կախովի առաստաղը (մոտ 4 քմ):