Լեհաստանում ավիացիան ութ օրվա ընթացքում երրորդ անգամ օդ է բարձրացել` Ուկրաինային ՌԴ-ի հարվածների պատճառով
1 րոպեի ընթերցում
![Լեհաստանում ավիացիան ութ օրվա ընթացքում երրորդ անգամ օդ է բարձրացել` Ուկրաինային ՌԴ-ի հարվածների պատճառով](http://armenpress.am/resized/480/storage/images/articles/2024/09/04/XaV6IkI2NxD1kEFtRUkt9elv44xG6lzaTVYcA1yq.webp)
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Լեհաստանի և դաշնակիցների մարտական ինքնաթիռներն օդ են բարձրացել Լեհաստանում՝ պայմանավորված Ռուսաստանի հեռահար ավիացիայի կողմից Ուկրաինայի արևմուտքում գտնվող օբյեկտներին հասցրած հարվածներով։
Ինչպես «Արմենպրես»-ը տեղեկանում է Deutsche Welle-ի ռուսական ծառայությունից, այս մասին սեպտեմբերի 4-ին հայտնել է Լեհաստանի զինված ուժերի օպերատիվ հրամանատարությունը:
Հրամանատարության տվյալներով՝ այդ կապակցությամբ երկրի հարավ-արևելքում կարող է դիտվել «աղմուկի մակարդակի բարձրացում»:
Ըստ հաղորդագրության՝ Լեհաստանի օդային տարածության անվտանգությունն ապահովելու համար անհրաժեշտ բոլոր ընթացակարգերն ակտիվացված են, օպերատիվ հրամանատարությունը «իրադրության մշտական մոնիթորինգ է իրականացնում»։
Ինքնաթիռները գործի են դրվում ութ օրվա ընթացքում արդեն երրորդ անգամ։