Ֆուտբոլի Կոնֆեդերացիաների լիգայում «Նոա»-ի մրցակիցների թվում է Լոնդոնի «Չելսի»-ն. հայտնի են վիճակահանության արդյունքները

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ։ Ֆուտբոլի Կոնֆերենցիաների լիգայում Հայաստանի փոխչեմպիոն «Նոայի» մրցակիցները կլինեն Լոնդոնի «Չելսին», Կիպրոսի ԱՊՕԵԼ-ը, Ավստրիայի «Ռապիդը», չեխական «Մլադա Բոլեսլավը», սերբական «Բաչկա Տոպոլան», իսլանդական «Վիկինգուր Ռեյկյավիկը»։

«Արմենպրես»-ի հաղորդմամբ՝ «Նոա»-ի մրցակիցները հայտնի են դարձել այսօր տեղի ունեցած վիճակահանության արդյունքում։

36 թիմ կպայքարի փլեյ-օֆֆի ուղեգրերի համար․ 1-8-րդ տեղերը զբաղեցրած թիմերը կնվաճեն 1/8-րդ եզրափակիչի ուղեգրեր, իսկ 9-24-րդ տեղերի թիմերն անցումային հանդիպումներում կվիճարկեն մնացած 8 ուղեգրերը։