Վարդենիս քաղաքում հիմնանորոգվում է բազմաբնակարան 3 շենքերի տանիքներ
2 րոպեի ընթերցում
![Վարդենիս քաղաքում հիմնանորոգվում է բազմաբնակարան 3 շենքերի տանիքներ](http://armenpress.am/resized/480/storage/images/articles/2024/08/27/rXaJcobVVhJ7fpgnEJRff9UDiuYLZ5z2Rnv0KA6N.webp)
ԳԱՎԱՌ, 27 ՕԳՈՍՏՈՍԻ, ԱՐՄԵՆՊՐԵՍ։ Գեղարքունիքի մարզի Վարդենիս քաղաքում ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում հիմնանորոգվում են բազմաբնակարան շենքերի տանիքները Ռոմանի-2, Չարենցի-46, Երիտասարդության-2 հասցեներում։
Ինչպես «Արմենպրես»-ը տեղեկացավ Վարդենիսի համայնքապետարանի աշխատակազմից, Վարդենիսի բազմաբնակարան 3 շենքերի տանիքների հիմնանորոգման ծրագրի պայմանագրային արժեքը կազմում է 49 միլիոն 900 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։
Ծրագրով նախատեսվում է Ռոմանի-2, Չարենցի-46, Երիտասարդության-2 հասցեներում գտնվող բազմաբնակարան շենքերի տանիքների հիմնանորոգում, որի արդյունքում հիմնովին փոխվում են տանիքների փայտյա կմախքները, իսկ ասբեստյա ալիքավոր թիթեղները փոխարինվում մետաղականով։
Շինարարական աշխատանքները մեկնարկել են 2024 թվականի օգոստոսի 1-ից և կավարտվեն այս տարվա ընթացքում։ 2024 թվականի օգոստոսի 27-ի դրությամբ շինարարական աշխատանքները Ռոմանի-2 և Չարենցի-46 հասցեներում իրականացվել են շուրջ 90, Երիտասարդական-2 հասցեում՝ 10 տոկոսով։
Ծրագրի շահառու են հանդիսանում Վարդենիս քաղաքի բազմաբնակարան շենքերի 110 բնակարանների 346 բնակիչներ։
Խոսրով Խլղաթյան