Կյանքից հեռացել է հայտնի ֆուտբոլային մարզիչ Սվեն-Յորան Էրիկսոնը
1 րոպեի ընթերցում
![Կյանքից հեռացել է հայտնի ֆուտբոլային մարզիչ Սվեն-Յորան Էրիկսոնը](http://armenpress.am/resized/480/storage/images/articles/2024/08/26/rzKAPMArO6xYnWnP2dEm3V34hWw975i9F4yYz7JA.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ։ 76 տարեկանում մահացել է ֆուտբոլային հայտնի մարզիչ Սվեն-Յորան Էրիկսոնը, որն ամիսներ շարունակ պայքարել է ենթաստամոքսային գեղձի քաղցկեղի դեմ։
«Արմենպրես»-ի փոխանցմամբ՝ այս մասին հաղորդում են միջազգային լրատվամիջոցները։
«Այսօր առավոտյան մեր հայրը՝ Սվեն-Յորան Էրիկսոնը, հանգիստ քնեց իր տանը՝ Բյորքեֆորսում՝ Սուններից ոչ հեռու: Նա երկար ժամանակ քաջաբար պայքարեց իր հիվանդության դեմ, բայց հիմա այն ավարտվել է», - նշել են մարզչի զավակները։
1976 թվականից Սվեն-Յորան Էրիկսոնն անցել է մարզչական աշխատանքի, իր կարիերայի ընթացքում մարզել է այնպիսի ակումբներ, ինչպիսիք են իտալական «Ֆիորենտինա»-ն, «Լացիո»-ն և «Ռոմա»-ն, անգլիական «Մանչեսթեր Սիթի»-ն և «Լեսթեր Սիթի»-ն, պորտուգալական «Բենֆիկա»-ն, ինչպես նաև Անգլիայի, Մեքսիկայի և Կոտ դ'Իվուարի ազգային հավաքականները։