Ակնկալում ենք համագործակցության հետագա ընդլայնում. ՀՀ ԱԳՆ-ն շնորհավորել է Ուկրաինայի Անկախության օրը
1 րոպեի ընթերցում
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Հայաստանի արտաքին գործերի նախարարությունը շնորհավորել է Ուկրաինայի անկախության օրվա առիթով:
«Արմենպրես»-ի փոխանցմամբ՝ շնորհավորական ուղերձը հրապարակված է ԱԳՆ X–ի միկրոբլոգում:
«Շնորհավորում ենք Ուկրաինայում մեր գործընկերներին և ընկերներին՝ Անկախության օրվա կապակցությամբ։ Մենք գնահատում ենք մեր երկու ժողովուրդների միջև երկարամյա ամուր կապերը և ակնկալում ենք Հայաստանի և Ուկրաինայի միջև համագործակցության հետագա ընդլայնում»,–ասված է ուղերձում: