Հայաստանում արձանագրվել է Արևմտյան Նեղոսի տենդի 75 դեպք
1 րոպեի ընթերցում
![Հայաստանում արձանագրվել է Արևմտյան Նեղոսի տենդի 75 դեպք](http://armenpress.am/resized/480/storage/images/articles/2024/08/23/GvSz4KbTTT9vWWvDWkLjAXZ5J27TsfSDlaRaxKHG.webp)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Հայաստանում, օգոստոսի 23-ի դրությամբ, հաստատվել է Արևմտյան Նեղոսի տենդով վարակման 75 դեպք:
«Արմենպրես»-ի փոխանցմամբ՝ այս մասին հայտնում են Հիվանդությունների վերահսկման և կանխարգելման ազգային կենտրոնից:
Արևմտյան Նեղոսի տենդի փոխանցողը կուլեքս ցեղի մոծակներն են: Մարդը վարակվում է մոծակի խայթոցից: Վիրուսը մարդուց մարդուն չի փոխանցվում:
Արևմտյան Նեղոսի տենդից Հայաստանում այս պահի դրությամբ արձանագրվել է մահվան մեկ դեպք: 1938 թվականին ծնված տղամարդն ունեցել է ուղեկցող մի շարք հիվանդություններ: