Եմենի ափերի մոտ հրետակոծությունից հետո հունական տանկերն այրվել է
1 րոպեի ընթերցում
![Եմենի ափերի մոտ հրետակոծությունից հետո հունական տանկերն այրվել է](http://armenpress.am/resized/480/storage/images/articles/2024/08/21/CuRgwhGu7M8P9PthU4dq1dYgxc0RicAbdQFnn7r7.webp)
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ։ Կարմիր ծովում՝ Եմենի Հոդեյդա նավահանգստի մոտակայքում գտնվող հունական տանկերում հրդեհ է բռնկվել։
Ինչպես հաղորդում է «Արմենպրես»-ը, վկայակոչելով Associated Press-ը, այս մասին օգոստոսի 21-ին հայտնել է Մեծ Բրիտանիայի ծովային առևտրի գրասենյակը (UKMTO)։
Բրիտանական գերատեսչության տվյալներով՝ տանկերի վրա չորս անգամ կրակ է բացվել։
Ըստ աղբյուրի՝ Հունաստանի Առևտրային նավատորմի նախարարությունից պարզաբանել են, որ խոսքը Sounion նավի մասին է, որը Հունաստանի դրոշով Իրաքից Կիպրոս է ուղևորվել՝ անձնակազմի 25 անդամով։