Երևանի Չարենցի փողոցում չորս ավտոմեքենա է բախվել, վարորդներից մեկը տեղափոխվել է հիվանդանոց
1 րոպեի ընթերցում
![Երևանի Չարենցի փողոցում չորս ավտոմեքենա է բախվել, վարորդներից մեկը տեղափոխվել է հիվանդանոց](http://armenpress.am/resized/480/storage/images/articles/2024/08/18/iP8fAQaSGIsNOASfI7LkOAjyvfj2LKG59yo7UPoH.webp)
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնն օգոստոսի 18-ին, ժամը 10։38-ին ահազանգ է ստացել, որ Երևան քաղաքի Չարենցի փողոցի թիվ 9 հասցեի մոտակայքում տեղի է ունեցել ՃՏՊ, առկա է գազի արտահոսք. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Opel» (վարորդ՝ Ա. Խ., ծնված 1959 թ.), «Mercedes-Benz» (վարորդ՝ Ն. Օ., ծնված 1980 թ.), «Mazda» (վարորդ՝ Դ. Կ., ծնված 1991 թ.) և «Toyota» (վարորդ՝ Կ. Ս., ծնված 1980 թ.) մակնիշների ավտոմեքենաները․ կա տուժած։
Մինչ փրկարարների կանչի վայր հասնելը՝ Կ․ Ս.-ն հոսպիտալացվել է բժշկական կենտրոն։
Ըստ աղբյուրի՝ փրկարարները հոսանքազրկել են ավտոմեքենաները և փակել «Mazda» և «Mercedes-Benz» մակնիշների ավտոմեքենաների գազի բալոնների փականները։