Մայր Տաճարը կրկին իր դռները կբացի սեպտեմբերի 29-ին

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Հիմնանորոգված Մայր Տաճարը կրկին իր դռները կբացի սեպտեմբերի 29-ին:

«Արմենպրես»-ի  հաղորդմամբ՝ այս մասին հայտնել է Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Զաքարիա Ծայրագույն վարդապետ Բաղումյանը:

Այսօր՝ օգոստոսի 17-ին  Մայր Տաճարի Նավակատիքի օրն է: 

Մայր Տաճարը նվիրագործվել և օծվել է 303 թ. Ս. Աստվածածնի Վերափոխման տոնին: 

«Տիրոջ կամքով սեպտեմբերի 29-ին Ս. Տաճարը կրկին կբացի իր դռները՝ շարունակելով բաշխել դարավոր օրհնությունը մեր ժողովրդին»,-նշել է Զաքարիա Ծայրագույն վարդապետ Բաղումյանը: