Brent նավթի գինը Լոնդոնի ICE Futures բորսայում նվազել է՝ հասնելով 80,31 դոլարի
1 րոպեի ընթերցում
![Brent նավթի գինը Լոնդոնի ICE Futures բորսայում նվազել է՝ հասնելով 80,31 դոլարի](http://armenpress.am/resized/480/storage/images/articles/2024/08/14/k5rojcav2XFNnd1xPc0kRilIRWHak1yLPxI2DT1u.webp)
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Նախորդ շաբաթ ԱՄՆ-ում նավթի պաշարների ավելացման մասին տվյալների հրապարակումից հետո օգոստոսի 14-ի երեկոյան վառելիքի այս տեսակի գնանշումների անկումն արագացրել է: «Արմենպրես»-ի հաղորդմամբ՝ այդ մասին հայտնում է Interfax-ը:
Օգոստոսի 14-ի երեկոյան Լոնդոնի ICE Futures բորսայում Brent-ի հոկտեմբերյան ֆյուչերսները էժանացել են 0.38 դոլարով (0.47%)՝ հասնելով մեկ բարելի դիմաց 80.31 դոլարի։ Իսկ WTI-ի սեպտեմբերյան ֆյուչերսները NYMEX բորսայում էժանացել են 0.54 դոլարով (0.69%)՝ հասնելով մեկ բարելի դիմաց 77.79 դոլարի։
ԱՄՆ-ում նավթի առևտրային պաշարներն նախորդ շաբաթ ավելացել են 1.36 միլիոն բարելով: Այդ մասին նշված է երկրի էներգետիկայի նախարարության շաբաթական զեկույցում։ Փորձագետները ակնկալում էին, որ պաշարները կնվազեն 2 մլն բարելով:
Մինչդեռ բենզինի ապրանքային պաշարները նվազել են 2.89 մլն բարելով: Վերլուծաբանները կանխատեսում էին, որ բենզինի պաշարները կնվազեն 1.42 մլն բարելով։