1 րոպեի ընթերցում
ՓԱՐԻԶ, 10 ՕԳՈՍՏՈՍԻ, ԱՐՄԵՆՊՐԵՍ: Հայաստանի օլիմպիական հավաքականի անդամ, ծանրորդ Գարիկ Կարապետյանը Փարիզի Օլիմպիական խաղերում 4-րդ տեղում է:
«Արմենպրես»-ի թղթակցի հաղորդմամբ` Փարիզի «Հյուսիսային Արենա»-ում ընթացող ծանրամարտի մրցաշարում պայքարի մեջ մտան 102 կգ քաշային ծանրորդները: Պոկում վարժությունում Կարապետյանը մեկնարկում հաջող բարձրացրեց 180 կգ և հաջորդիվ երկու փորձից հետո գլխավերևում պահեց 186 կգ: Հրում վարժությունում Կարապետյանը բարձրացրեց միայն 212 կգ: Նա երկու փորձից գլխավերևում չպահեց 218 կգ: Երկամարտի 398 կգ արդյունքով Գարիկ Կարապետյանը Օլիմպիական խաղերում զբաղեցրեց 4-րդ հորիզոնականը:
Այս քաշում Օլիմպիական խաղերի չեմպիոնը Չինաստանից Լիու Հուանհուան: Նա երկամարտում գրանցեց 406 կգ արդյունք: Երկրորդ տեղում Ուզբեկստանից Ակբար Զուրաևն է և երրորդում չեզոք դրոշի ներքո հանդես եկող Եվգենի Ծիխանցով է:
Մինչ այս Հայաստանի օլիմպիական հավաքականի կազմում Փարիզ-2024-ի արծաթե մեդալակիրներ էին դարձել ըմբիշ Արթուր Ալեքսանյանը, մարմնամարզիկ Արթուր Դավթյանը, իսկ բրոնզե էր նվաճել ըմբիշ Մալխաս Ամոյանը:
Վարվառա Հայրապետյան