1 րոպեի ընթերցում
ՓԱՐԻԶ, 7 ՕԳՈՍՏՈՍԻ, ԱՐՄԵՆՊՐԵՍ: Հայաստանի օլիմպիական հավաքականի անդամ, ըմբիշ Սլավիկ Գալստյանը կպայքարի Օլիմպիական խաղերի բրոնզե մեդալի համար:
«Արմենպրես»-ի թղթակցի հաղորդմամբ` Փարիզի «Champ-de-Mars Arena»-ում կայացած հունահռոմեական ոճի ըմբշամարտի 67 կգ քաշային կարգի կիսաեզրափակիչում Գալստյանի մրցակիցը Իրանի ներկայացուցիչ, Ասիայի գործող չեմպիոն Սաեդ Էսմաելին էր: Բարդ ընթացք ստացած գոտեմարտում Գալստյանը զիջեց 10:4 հաշվով:
Ավելի վաղ` մեկնարկային երկու գոտեմարտերում Սլավիկ Գալստյանն առավելության էր հասել Էկվադորի և Ֆրանսիայի ներկայացուցիչների նկատմամբ:
Հայաստանի օլիմպիական հավաքականից ըմբիշներ Արթուր Ալեքսանյանը և Մալխաս Ամոյանը օգոստոսի 7-ին կպայքարեն ՕԽ մեդալների համար: Արթուր Ալեքսանյանի մրցակիցը եզրափակչում Իրանից Մոհամմադհադի Սարավին է, իսկ Մալխաս Ամոյանը Ուզբեկստանը ներկայացնող Արամ Վարդանյանի հետ կպայքարի բրոնզե մեդալի համար։