Իրաքի և Սաուդյան Արաբիայի սահմանն անցնող ամերիկյան զորքերի շարասյուներ են նկատվել. Al Mayadeen
1 րոպեի ընթերցում
![Իրաքի և Սաուդյան Արաբիայի սահմանն անցնող ամերիկյան զորքերի շարասյուներ են նկատվել. Al Mayadeen](http://armenpress.am/resized/480/storage/images/articles/2024/08/06/mAXo07EOXNdPGhU6dRouW631LZHOeHPz24GkE1N7.webp)
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: ԱՄՆ զինված ուժերի ռազմական տեխնիկայի շարասյուների տեղաշարժ է արձանագրվել Իրաքի և Սաուդյան Արաբիայի սահմանին։ «Արմենպրես»-ի փոխանցմամբ՝ այս մասին հաղորդում է լիբանանյան Al Mayadeen պարբերականը։
Նշվում է, որ Իրաքը և Սաուդյան Արաբիան կապող «Արար» հսկիչ անցակետում մի քանի ամերիկյան ռազմական ավտոշարասյուներ են նկատվել. զորքերի տեղափոխումը կարող է կապված լինել Իսրայելից վրեժ լուծելու՝ Իրանի սպառնալիքի հետ։
Մերձավոր Արևելքում իրադրությունը կտրուկ սրվել է հուլիսի 31-ին Թեհրանում պաղեստինյան ՀԱՄԱՍ արմատական շարժման քաղբյուրոյի ղեկավար Իսմայիլ Հանիյեի սպանությունից հետո, որին նախորդել էր Բեյրութում իսրայելական ավիահարվածի հետևանքով «Հեզբոլլահ» շարժման բարձրաստիճան հրամանատար Ֆուադ Շուքրի սպանությունը։