Իսրայելի ռազմական ինքնաթիռները թռիչքներ են կատարել Բեյրութի երկնքում
1 րոպեի ընթերցում
![Իսրայելի ռազմական ինքնաթիռները թռիչքներ են կատարել Բեյրութի երկնքում](http://armenpress.am/resized/480/storage/images/articles/2024/08/06/BTapgw0eQTWBRwtj19nG5DiwW5AuRkhJW97YtFFG.webp)
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ։ Իսրայելական ռազմական ինքնաթիռները, հաղթահարելով Լիբանանի մայրաքաղաք Բեյրութի երկնքի ձայնային խոչընդոտները, ցածր թռիչքներ են կատարել քաղաքի վրա։
«Արմենպրես»-ի հաղորդմամբ՝ այս մասին հայտնում է Reuters-ը՝ մանրամասնելով, որ ինքնաթիռների բարձր ձայնը բնակիչներին ստիպել է փախչել և թաքստոցներ որոնել։
Ըստ աղբյուրի՝ միջադեպը տեղի է ունեցել «Հեզբոլլահ» խմբավորման ղեկավարի ելույթին ընդառաջ:
Ականատեսները հայտնել են, որ ինքնաթիռները հնարավոր է եղել տեսնել անզեն աչքով: