Պենտագոնի ղեկավարը չեղարկել է սեպտեմբերի 11-ի ահաբեկչության գործով երեք կասկածյալների հետ գործարքները

1 րոպեի ընթերցում

ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ։ ԱՄՆ-ի պաշտպանության նախարար Լլոյդ Օսթինը չեղյալ է հայտարարել սեպտեմբերի 11-ի ահաբեկչությունների կազմակերպման մեջ մեղադրվող Խալիդ Շեյխ Մոհամեդի և Կուբայի Գուանտանամոյի ԱՄՆ ռազմական բանտում պահվող նրա երկու հանցակիցների հետ այս շաբաթվա սկզբին կնքված հաշտության գործարքը: Ինչպես տեղեկացնում է «Արմենպրես»-ը, վկայակոչելով «Ռոյթերս»-ը, Պենտագոնը հուլիսի 31-ին հայտարարել է, որ խոստովանության գործարքը կնքվել է, սակայն այլ մանրամասներ չի հայտնել: ԱՄՆ պաշտոնյաներն ասում են, որ գրեթե կասկած չկա, որ խոսքը վերաբերում է մեղավոր ճանաչելու դիմաց մահապատժի կիրառումից հրաժարվելու մասին։

Սակայն Պենտագոնի ղեկավարը Գուանտանամոյում ռազմական դատարանի վերահսկող Սյուզան Էսկալյեին զրկել է գործի վերաբերյալ մինչդատական համաձայնագրեր կնքելու լիազորությունից:

Շատ Հանրապետական օրենսդիրներ, այդ թվում ՝ ԱՄՆ Ներկայացուցիչների պալատի խոսնակ Մայք Ջոնսոնը և Սենատի փոքրամասնության առաջնորդ Միթչ Մաքքոնելը խստորեն քննադատել են միջնորդության գործարքները:

Բաժանորդագրվեք մեր ալիքին Telegram-ում