ՌԴ-ն ենթարկվել է ուկրաինական ԱԹՍ-ների հարձակման
2 րոպեի ընթերցում
![ՌԴ-ն ենթարկվել է ուկրաինական ԱԹՍ-ների հարձակման](http://armenpress.am/resized/480/storage/images/articles/2024/08/03/DGMghnX4mO91gK1GBXabkumroYKu7iaV9K6vG6Rz.webp)
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ։ Ռուսաստանի պաշտպանության նախարարությունը հայտնել է, որ օգոստոսի լույս 3-ի գիշերը ՀՕՊ ուժերի կողմից խոցվել է 75 ուկրաինական անօդաչու թռչող սարք։ «Արմենպրես»-ի հաղորդմամբ՝ հաղորդագրության մեջ ասվում է, որ 36 անօդաչու թռչող սարք է խոցվել Ռոստովի մարզում, 17-ը՝ Օրյոլի, 9-ը՝ Բելգորոդի, 8-ը՝ Կուրսկի, 2-ը՝ Ռյազանի և մեկական՝ Վորոնեժի շրջանում, Կրասնոդարի երկրամասում և Ազովի ծովում:
Ռոստովի մարզի նահանգապետ Վասիլի Գոլուբևը նշել է, որ մարզի վրա հարձակվել է 55 անօդաչու թռչող սարք: Նրա խոսքով՝ Կամենսկի և Մորոզովսկի շրջաններում վնասվել են պահեստային օբյեկտներ, տուժածներ չկան։
Ուկրաինայի զինված ուժերի գլխավոր շտաբը իր հերթին հաստատել է Մորոզովսկի օդանավակայանին հասցված հարվածների մասին լուրերը։ «Արձանագրվել է զինամթերքի պահեստներ, որտեղ պահվում էին, մասնավորապես, կառավարվող ավիացիոն ռումբեր։ Հակառակորդի ՀՕՊ միջոցների և ավիացիոն տեխնիկայի խոցման մասին տեղեկատվությունը ճշտվում է»,- նշված է հաղորդագրության մեջ։
Ուկրաինայի զինված ուժերի գլխավոր շտաբի ամփոփագրում ասվում է նաև, որ անօդաչու թռչող սարքերը հարձակվել են նավթաբազայի վրա, այդ թվում՝ Ռոստովի մարզում, Ինչպես նաև Բելգորոդում և Կուրսկում։
Օրյոլի մարզի ղեկավար Անդրեյ Կլիչկովը հայտնել է, որ երկու դրոններ հարվածել են Բոլխովսկու միկրոշրջանում գտնվող բնակելի շենքին, որի հետևանքով մեկ մարդ տուժել է։