1 րոպեի ընթերցում
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ։ Ազգային ժողովի աշխատանքի եւ սոցիալական հարցերի մշտական հանձնաժողովի կարգավորման
տիրույթը լայն է ու բազմաբովանդակ: Խնդիրներն ու անելիքները շատ են, ուստի անցած նստաշրջանի ընթացքում պահանջվել է հանձնաժողովի արդյունավետ աշխատանքը: «Արմենպրես»-ի փոխանցմամբ՝ այս մասին հաղորդագրություն է տարածել ՀՀ ԱԺ հասարակայնության հետ կապերի և հաղորդակցության վարչությունը։
Զբաղվածությանն ու մասնագիտական կողմնորոշմանը, աշխատողներին ու գործատուներին, հաշմանդամություն ունեցող անձանց, տարեցներին, երեխաներին, ԼՂ-ից բռնի տեղահանված հայրենակիցներին վերաբերող խնդիրները գլխադասային հանձնաժողովի ուշադրության կենտրոնում էին:
Ամփոփելով անցած նստաշրջանի աշխատանքները` հանձնաժողովի նախագահ Հերիքնազ Տիգրանյանը կարեւորել է օրենսդիր-գործադիր համագործակցությունը, որի արդյունքում հնարավորություն է ընձեռվում վերացնել իրավակիրառ պրակտիկայում գոյություն ունեցող խնդիրները: