Wildberries-ն առաջին անգամ կմասնակցի Երևանի նորաձևության շաբաթին

Երևանում հոկտեմբերի 8-11-ը կանցկացվի «Երևանի նորաձևության շաբաթ 2026»-ը, որը կմիավորի հայ և միջազգային դիզայներների, ոլորտի ներկայացուցիչների, մեդիայի, մասնագիտական համայնքի և նորաձևության սիրահարների։

Այս տարի Wildberries-ն առաջին անգամ կմասնակցի «Երևանի նորաձևության շաբաթին»։ Հարթակի մասնակցության հիմնական շեշտադրումը կլինի հայկական դիզայներների և տեղական բրենդների զարգացման, ինչպես նաև նրանց առաջխաղացման և նոր շուկաներ մուտք գործելու հնարավորությունների ընդլայնման վրա։

«Նորաձևություն» կատեգորիան Wildberries-ում վաճառքի ամենադինամիկ աճ գրանցող կատեգորիաներից է։ Տեղական դիզայներների և բրենդների համար Wildberries-ը կարող է դառնալ վաճառքի և առաջխաղացման լրացուցիչ ալիք, որը թույլ կտա գտնել նոր լսարան, գնահատել հավաքածուների նկատմամբ պահանջարկը և ընդլայնել բիզնեսը Հայաստանի սահմաններից դուրս։

Միջոցառման շրջանակում Wildberries-ի ներկայացուցիչը հանդես կգա հարթակի և հայկական դիզայներների ու բրենդների համագործակցության հնարավորությունների վերաբերյալ ելույթով։ Մասնավորապես, կներկայացվեն համագործակցության տարբեր ձևաչափեր, այդ թվում՝ համատեղ նախագծեր և կոլաբորացիաներ, տեղական բրենդների առաջխաղացում, ինչպես նաև էլեկտրոնային առևտրի միջոցով վաճառքների զարգացման հնարավորություններ։

«Երևանի նորաձևության շաբաթ»-ի շրջանակում կգործի նաև Wildberries-ի հատուկ B2B գոտին, որտեղ դիզայներներն ու նորաձևության ոլորտի ներկայացուցիչները հնարավորություն կունենան հանդիպել պլատֆորմի թիմի հետ, քննարկել համագործակցության, վաճառքների զարգացման և էլեկտրոնային առևտրի միջոցով ավելի լայն լսարանին հասնելու հնարավորությունները։

Առանձին կարևոր իրադարձություն կլինի Wildberries-ի և հայկական Themis բրենդի առաջին համատեղ հավաքածուն։ Հավաքածուն կթողարկվի սահմանափակ քանակով՝ հատուկ «Երևանի նորաձևության շաբաթ»-ի շրջանակում, իսկ դրա օրինակները կխաղարկվեն միջոցառման մասնակիցների շրջանում։

Wildberries-ի մասնակցությունը «Երևանի նորաձևության շաբաթին» նպատակ ունի կապել հայկական դիզայներների ստեղծագործական ներուժը էլեկտրոնային առևտրի հնարավորությունների հետ և օգնել տեղական բրենդներին անցնել հավաքածուի ներկայացումից մինչև նոր գնորդների ներգրավում, վաճառքների աճ և միջազգային շուկաներ դուրս գալու ճանապարհը։