Դիլիջան քաղաքում հողազանգվածի փլվածք է տեղի ունեցել
1 րոպեի ընթերցում
![Դիլիջան քաղաքում հողազանգվածի փլվածք է տեղի ունեցել](http://armenpress.am/resized/480/storage/images/articles/2024/07/30/slDlmq2UxxX8m1faxErBaiDFD0PZAGlacfebHo0n.webp)
ԵՐԵՎԱՆ,30 ՀՈՒԼԻՍԻ, ԱՐՄԵՆՊՐԵՍ: Տավուշի մարզային փրկարարական վարչության ճգնաժամային կառավարման կենտրոն հուլիսի 30-ին ժամը 14:26-ին ահազանգ է ստացվել, որ Դիլիջան քաղաքի Մյասնիկյան փողոցում տեղի է ունեցել հողազանգվածի փլվածք. կա տուժած:
Ինչպես «Արմենպրես»-ը տեղեկանում է Փրկարար ծառայության տարածած հաղորդագրությունից, պարզվել է, որ շինարարական աշխատանքների ժամանակ տեղի է ունեցել հողազանգվածի փլվածք (մոտ 5 խմ). քաղաքացին մնացել է հողազանգվածի տակ։
Մինչ փրկարարների կանչի վայր հասնելը՝ Ա. Թ.-ն (ծնված 1991 թ.) տեղի ուժերով դուրս է բերվել հողազանգվածի տակից և տեղափոխվել բժշկական կենտրոն:
Փրկարարները սահմանազատել են տարածքը: