ՀՀ-ում ԵՄ դիտորդական առաքելությունը հյուրընկալել է հուդայա-քրիստոնեական միության պատվիրակությանը
1 րոպեի ընթերցում
![ՀՀ-ում ԵՄ դիտորդական առաքելությունը հյուրընկալել է հուդայա-քրիստոնեական միության պատվիրակությանը](http://armenpress.am/resized/480/storage/images/articles/2024/07/24/ySFLRrRNJ6YrItAU4xw72monLr0G9zaXbgn07aRs.webp)
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Հայաստանում Եվրոպական միության դիտորդական առաքելությունը հյուրընկալել է «Փրկիր Հայաստանը» (Save Armenia) հուդայա-քրիստոնեական միության պատվիրակությանը և ներկայացրել առաքելության գործունեությունը։
«Արմենպրես»-ի հաղորդմամբ՝ այս մասին նշված է առաքելության X-ի միկրոբլոգում կատարված գրառման մեջ։
«Այսօր Հայաստանում Եվրոպական միության դիտորդական առաքելությունը հյուրընկալել էր «Փրկիր Հայաստանը» (Save Armenia) հուդայա-քրիստոնեական միության պատվիրակությանը՝ դոկտոր Ալվեդա Քինգի գլխավորությամբ։
Առաքելության ղեկավար Մարկուս Ռիտերը հյուրերին ներկայացրել է Հայաստանում Եվրոպական միության դիտորդական առաքելության մանդատը և գործունեությունը՝ ընդգծելով առաքելության անկողմնակալ դերը տարածաշրջանում խաղաղությանն ու կայունությանը նպաստելու գործում», - նշված է գրառման մեջ։