Հիմնանորոգվում է Վանաձոր-Դիլիջան միջպետական նշանակության ավտոճանապարհի մի հատվածը
1 րոպեի ընթերցում

ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ։ Հիմնանորոգվում է Մ-8, Վանաձոր (Մ-6 հատման կետ)-Դիլիջան միջպետական նշանակության ավտոճանապարհի կմ40+000 - կմ42+000 հատվածը։ «Արմենպրես»-ի հաղորդմամբ՝ այս մասին տեղեկացնում է «Ճանապարհային դեպարտամենտ» հիմնադրամը։
Հիմնադրամից հայտնում են, որ ճանապարհի երկարությունը 2կմ է։ Հիմնանորոգվող ճանապարհն անցնում է Դիլիջան քաղաքով։
«Շինարարն այս պահին տեղադրում է եզրաքարեր‚ կառուցում մայթեր, կատարվում է առկա ծածկի հեռացում։ Ֆինանսավորումը կատարվում է ՀՀ պետբյուջեից»,-նշված է հաղորդագրության մեջ։