Սիրիայում խորհրդարանական ընտրությունների քվեարկությունը երկարացվել է երկու ժամով
1 րոպեի ընթերցում
![Սիրիայում խորհրդարանական ընտրությունների քվեարկությունը երկարացվել է երկու ժամով](http://armenpress.am/resized/480/storage/images/articles/2024/07/15/ZGxkxGvkaw4B8RSLC2t4TH2VxbQIslaLDEi2anYh.webp)
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Սիրիայի Ժողովրդական խորհրդի պատգամավորների ընտրության քվեարկության գործընթացը երկարացվել է երկու ժամով՝ մինչև տեղական ժամանակով ժամը 21։00-ն։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, SANA-ի փոխանցմամբ՝ հայտնել է Ընտրությունների վերահսկման բարձրագույն դատական կոմիտեի ղեկավար Ջիհադ Մուրադը։
Նրա խոսքով՝ ընտրություններն անցնում են առանց միջադեպերի կամ քվեարկության կարգի լուրջ խախտումների։
8 հազար 2 հարյուր ընտրատեղամասում քվեարկությունը սկսվել է ժամը 07:00-ին և պետք է ավարտվեր ժամը 19:00-ին: Երկրի բոլոր մարզերը ներկայացնող Հազար 5 հարյուր 16 թեկնածուներ պայքարում են խորհրդարանական 2 հարյուր 50 տեղի համար։