1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Վերին Լարս անցակետի մոտ hուլիսի 11-ին 2 608 բեռնատար է սպասում դեպի Վրաստանի սահմանն անցնելու հերթին։ «Արմենպրես»-ի փոխանցմամբ՝ այս մասին հաղորդում է Հյուսիսային Օսիայի Ճանապարհային երթևեկության կազմակերպման կենտրոնը՝ վկայակոչելով էլեկտրոնային հերթի տվյալները։
Ըստ «Ինտերֆաքս»-ի՝ Հյուսիսային Օսիայի ղեկավար Սերգեյ Մենյայլոն հայտնել է, որ սահմանվել է բարձր պատրաստության ռեժիմ պետական սահմանին տարանցիկ ավտոտրանսպորտի կուտակման պատճառով։ Այդ ռեժիմի շրջանակներում բեռնատարների մուտքը Հյուսիսային Օսիա սահմանափակում են մինչև կայանման վայրերում տեղերի ազատումը: