Նիդեռլանդների նոր կառավարությունը ցանկանում է հրաժարվել ԵՄ միգրացիոն քաղաքականությունից

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Նիդեռլանդների նոր կառավարությունը՝ վարչապետի պաշտոնը  ստանձնած Դիկ Շուֆի գլխավորությամբ, մտադիր է հրաժարվել ԵՄ միգրացիոն քաղաքականությունից:

«Արմենպրես»-ի հաղորդմամբ՝  այս մասին հայտնում է Euronews-ը:

Ըստ աղբյուրի՝ նոր համաձայնագիրը պարունակում է միգրացիոն հոսքերի կրճատման առաջարկների համապարփակ ցանկ:

Ծրագրի կարևորագույն կետերից մեկում նշվում է, որ եվրոպական ապաստանի և միգրացիոն քաղաքականության չեղարկման մասին կետը հնարավորինս շուտ կներկայացվի Եվրահանձնաժողով: