Վիլնյուսի քաղաքապետը հայտնել է քաղաքը պաշտպանելու նպատակով հակատանկային ոզնիների և «վիշապի ատամների» գնման մասին
1 րոպեի ընթերցում
![Վիլնյուսի քաղաքապետը հայտնել է քաղաքը պաշտպանելու նպատակով հակատանկային ոզնիների և «վիշապի ատամների» գնման մասին](http://armenpress.am/resized/480/storage/images/articles/2024/07/02/7Q2Q1CjyJfjMYIiS2ilpGHY6qHEKMTrmHk92mHiF.webp)
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ։ Վիլնյուսը ձեռք է բերել հակատանկային ոզնիներ և «վիշապի ատամներ»՝ քաղաքը պաշտպանելու և շարժական ռազմական տեխնիկայի տեղաշարժը խոչընդոտելու համար։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ն, այդ մասին հայտարարել է Լիտվայի մայրաքաղաքի քաղաքապետ Վալդաս Բենկունսկասը։
«Վիլնյուսը՝ որպես երկրի մայրաքաղաք, գլխավոր ռազմական թիրախներից մեկն է, ուստի հնարավոր ամեն ինչ, բացի ռազմական միջոցներից, պետք է արվի այն պաշտպանելու համար», - ասել է Բենկունսկասը։
Նա հավելել է, որ պաշտպանիչ սարքավորումները քաղաքապետարանի տրամադրության տակ կլինեն աշնանը, իսկ արտակարգ իրավիճակների դեպքում կոմունալ ծառայությունները դրանք կհասցնեն տեղամաս։