Հայաստանում հուլիսին սպասվում է տեղումնառատ և ոչ շատ շոգ եղանակ
1 րոպեի ընթերցում
![Հայաստանում հուլիսին սպասվում է տեղումնառատ և ոչ շատ շոգ եղանակ](http://armenpress.am/resized/480/storage/images/articles/2024/07/01/YDSzwNeHPlAM59rxaOmbS6YusF8JoeHRKeSl7KEh.webp)
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Հայաստանում հուլիս ամսին սպասվում է ոչ շատ շոգ և տեղումնառատ եղանակ: «Արմենպրես»-ն այս մասին տեղեկանում է «Հիդրոօդերևութաբանության և մոնիթորինգի կենտրոն» -ի տարածած հաղորդագրությունից:
«Հուլիսին օդի ամսական միջին ջերմաստիճանը հանրապետության ողջ տարածքում կանխատեսվում է նորմայից բարձր 1 աստիճանով, տեղումների քանակը՝ նորմայից զգալի ավել»,- նշված է հաղորդագրության մեջ: