Տնտեսություն

Հայաստանն ու Վրաստանը պատրաստվում են ավելի ներկայանալի հայտեր մշակել զբոսաշրջիկների համար

4 րոպեի ընթերցում

Հայաստանն ու Վրաստանը պատրաստվում են ավելի ներկայանալի հայտեր մշակել զբոսաշրջիկների համար

ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Հայ-վրացական մշակութային և խոհանոցային փառատոնի շրջանակներում երկու երկրների տարբեր կազմակերպությունների մասնակցությամբ Երևանում անցկացվեց զբոսաշրջային գործարար համաժողով, որի ընթացքում կողմերը պայմանավորվեցին ոլորտում առկա հրատապ հարցերը լուծելու համար ստեղծել համատեղ աշխատանքային խումբ:

«Արմենպրես»-ի հաղորդմամբ՝ փառատոնի մասնակիցներին հնարավորություն է ընձեռվել համատեղելու հաճելին և օգտակարը՝ ծանոթանալ հայ և վրացի ժողովուրդների մշակութային ժառանգության որոշ առանձնահատկություններին, ազգային խոհանոցներին, զբոսաշրջային ընկերությունների առաջարկներին, ձևավորել գործարար կապեր, քննարկել համագործակցության զարգացման հեռանկարները և դրան նպաստող քայլերը:

Տուրիզմի հայկական ֆեդերացիայի նախագահ Մեխակ Ապրեսյանը լրագրողների հետ զրույցում նշեց, որ նման միջոցառումները հիանալի առիթ են շփումները խորացնելու, խնդիրները շեշտադրելու, դրանց լուծումները քննարկելու, նաև համատեղ առաջարկներ մշակելու համար: 

«Համագործակցության համար շատ լավ հարթակ է: Փառատոնի շրջանակներում կազմակերպում ենք բիզնես ֆորումներ, որին մասնակցող զբոսաշրջային ոլորտի ներկայացուցիչները միասին քննարկում են հայ-վրացական տարածաշրջանային զբոսաշրջային փաթեթների ձևավորմանն առնչվող հարցեր՝ ձգտելով ստեղծել ավելի մրցունակ, գրավիչ ու ներկայանալի առաջարկ, որը հնարավոր կլինի գովազդել և առաջ մղել համաշխարհային շուկայում»,- նշեց Մեխակ Ապրեսյանը:

Նա նկատեց, որ այս տարի միասնական փաթեթների ձևավորումից զատ համաժողովում քննարկվել են նաև Հայաստանի և Վրաստանի միջև զբոսաշրջային այցելությունների ակտիվացման, երկու երկրների մշակութային ժառանգության պահպանության ու պատշաճ կերպով ներկայացնելու, մշակութային երկխոսության զարգացման վերաբերյալ հարցեր:

Կարևորվել է նաև զբոսաշրջիկներին մատուցվող ծառայությունների որակի չափանիշների սահմանումը և հետևողական բարելավումը: Հատուկ ուշադրություն է դարձվել սահմանի հատման գործընթացների հեշտացմանն ու արագացմանը, որը կարևոր գործոն է միջազգային զբոսաշրջությունը զարգացնելու համար: Պակաս կարևոր չէ զբոսավարների մասնագիտական պատրաստվածության զարգացումը, նրանց արտոնագրումը:

«Հայաստանում և Վրաստանում արդեն սկսվել է լիցենզավորման գործընթացը: Օրինակ, զբոսավարից պահանջվում է հարգանքով վերաբերվել հայկական և վրացական պատմամշակութային ժառանգությանը, ապատեղեկատվություն չտարածել դրա վերաբերյալ: Այդ խնդիրը ներկայացրել ենք մեր պատկան մարմիններին, որպեսզի չափորոշիչներ մշակելիս հաշվի առնեն դա»,- ասաց Տուրիզմի հայկական ֆեդերացիայի նախագահը:

Նա հայտնեց նաև, որ համաժողովի ընթացքում պայմանավորվածություն է ձեռք բերվել ստեղծել պետական և մասնավոր հատվածների ներկայացուցիչների մասնակցությամբ համատեղ աշխատանքային խումբ՝ բարձրաձայնած հարցերի լուծումներ մշակելու նպատակով: Նախատեսվում է, որ համատեղ աշխատանքային խմբի անդամները կհանդիպեն հայ-վրացական սահմանին և տեղում կքննարկեն սահմանի հատման գործընթացների դյուրացման հնարավորությունը: 

Հրայր Նազարյան

Երևանում խոշոր ավտովթար է տեղի ունեցել. մահացել է 3 մարդ, ևս մեկի վիճակը գնահատվում է ծայրահեղ ծանր

Իրավունք

Երևանում խոշոր ավտովթար է տեղի ունեցել. մահացել է 3 մարդ, ևս մեկի վիճակը գնահատվում է ծայրահեղ ծանր

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

Իրավունք

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Քաղաքականություն

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Քաղաքականություն

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Վրաստանում գրանցված 6-7 բալ ուժգնությամբ երկրաշարժը զգացվել է նաև Հայաստանի մարզերում

Վրաստան

Վրաստանում գրանցված 6-7 բալ ուժգնությամբ երկրաշարժը զգացվել է նաև Հայաստանի մարզերում

Նիկոլ Փաշինյանը շնորհավորական ուղերձ է հղել Լիտվայի վարչապետին

Եվրոպա

Նիկոլ Փաշինյանը շնորհավորական ուղերձ է հղել Լիտվայի վարչապետին

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Քաղաքականություն

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Քաղաքականություն

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Քաղաքականություն

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

Քաղաքականություն

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

ՔԿ-ն մանրամասներ է հայտնում Սյունիքում հրաձգարանի հարևանությամբ տեղի ունեցած ողբերգական դեպքի մասին

Իրավունք

ՔԿ-ն մանրամասներ է հայտնում Սյունիքում հրաձգարանի հարևանությամբ տեղի ունեցած ողբերգական դեպքի մասին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում