Միացյալ Նահանգներ

Ուկրաինական ճգնաժամի լուծումն անհնար է առանց ՌԴ-ի մասնակցության. ՄԱԿ-ում ԱՄՆ մշտական ​​ներկայացուցիչ

1 րոպեի ընթերցում

Ուկրաինական ճգնաժամի լուծումն անհնար է առանց ՌԴ-ի մասնակցության. ՄԱԿ-ում ԱՄՆ մշտական ​​ներկայացուցիչ

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Շվեյցարիայում Ուկրաինային նվիրված խորհրդաժողովը չի եղել խաղաղության շուրջ բանակցություններ, դրանց անցկացման համար անհրաժեշտ է Ռուսաստանի մասնակցությունը: «Արմենպրես»-ի փոխանցմամբ՝ այս մասին հայտարարել է ՄԱԿ-ում ԱՄՆ մշտական ​​ներկայացուցիչ Լինդա Թոմաս-Գրինֆիլդը:

«Այս գագաթնաժողովը պաշտոնական բանակցություններ չէր: Ի վերջո, պատերազմը բանակցությունների ճանապարհով դադարեցնելու համար կպահանջվի, որ և՛ Ռուսաստանը, և՛ Ուկրաինան բարեխղճորեն նստեն բանակցությունների սեղանի շուրջ», - ՄԱԿ-ի նիստում Թոմաս-Գրինֆիլդի խոսքերն է մեջբերում «Ինտերֆաքս»-ը:

Հունիսի 15-16-ին Լյուցեռնում տեղի է ունեցել ուկրաինական հակամարտության կարգավորման շուրջ համաժողով, որին Ռուսաստանը չի մասնակցել։

Արձագանքելով այդ համաժողովին, ՌԴ նախագահի խոսնակ Դմիտրի Պեսկովը հայտարարել էր, որ առանց Ռուսաստանի մասնակցության՝ համաժողովը ոչ մի արդյունքի չի հանգեցրել։

Ավելի քան 90 երկրների մասնակցությամբ անցկացված համաժողովի ընթացքում Արևմտյան երկրները և նրանց դաշնակիցները դատապարտել են Ռուսաստանի ռազմական գործողություններն Ուկրաինայում, սակայն մի շարք երկրներ չեն միացել վերջնական հայտարարությանը։

 

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում