ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ։ ՆԱՏՕ-ի միջուկային ուժերը պատրաստության վիճակի բերելու հնարավորության մասին դաշինքի գլխավոր քարտուղար Յենս Ստոլտենբերգի հայտարարություններից հետո Մեծ Բրիտանիայում նշել են, որ երկիրը չի մասնակցում այդ հարցի շուրջ քննարկումներին։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
Ավելի վաղ Ստոլտենբերգն ասել էր, որ ՆԱՏՕ-ի երկրները քննարկում են դաշինքի միջուկային մարտագլխիկները զգոնության վիճակի բերելու հարցը։
«Մեծ Բրիտանիան չի մասնակցում իր օպերատիվ միջուկային տեղակայման փոփոխությունների վերաբերյալ քննարկումներին», - ասված է հաղորդագրության մեջ:
Նշվում է, որ բրիտանական միջուկային զենքը նպատակ ունի պաշտպանել դաշինքը ռազմական լուրջ ճգնաժամի դեպքում։