«Փյունիկ»-ի մրցակիցը ՉԼ որակավորման փուլում Մինսկի «Դինամո»-ն է

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Կայացել է ֆուտբոլի Չեմպիոնների լիգայի որակավորման փուլի վիճակահանությունը:

«Արմենպրես»-ի հաղորդմամբ` «Փյունիկի» մրցակիցը Չեմպիոնների լիգայի որակավորման առաջին փուլում կլինի Մինսկի «Դինամոն»:

Առաջին հանդիպումը «Փյունիկ»-ի համար լինելու է արտագնա ու կայանալու է հուլիսի 9-ին կամ 10-ին, պատասխան խաղը՝ տնային՝ ամսի 16-ին կամ 17-ին:

Հանդիպումների ժամանակացույցը կհստակեցվի հունիսի 21-ին: