«Միլան»-ը նոր գլխավոր մարզիչ ունի

ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Իտալական «Միլան» ֆուտբոլային ակումբի նոր գլխավոր մարզիչը Պաուլո Ֆոնսեկան է:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Ֆոնսեկայի հետ կնքվել է երեք տարվա պայմանագիրը:

Ըստ իտալական պարբերականների, մասնագետը միլանյան ակումբում կստանա տարեկան 3,5 միլիոն եվրո աշխատավարձ:

Պորտուգալացի ֆուտբոլային մասնագետ Պաուլո Ֆոնսեկան մինչ այս մարզել է ֆրանսիական «Լիլ»-ը, իտալական «Ռոմա»-ն, ուկրաինական Դոնեցկի «Շախտյոր»-ը, պորտուգալական «Պորտո» և այլ ակումբներ: