Նիկոլ Փաշինյանն այցելել է հեղեղումների հետևանքով մեկուսացման մեջ հայտնված Լոռու մարզի Ճոճկան բնակավայր
1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Վարչապետ Նիկոլ Փաշինյանն այցելել է Լոռու մարզի Ճոճկան բնակավայր, որը հեղեղումների հետևանքով հայտնվել էր մեկուսացման մեջ:
«Արմենպրես»-ի հաղորդմամբ՝ այս մասին ՀՀ վարչապետը տեսանյութ է տարածել «Ֆեյսբուքի» իր էջում։
Բնակիչները ողջունել և շնորհակալություն են հայտնել վարչապետին իրականացվող աշխատանքների և տրամադրվող աջակցության համար։
Վարչապետը, շփվելով գյուղացիների հետ, նշել է, որ Ճոճկանում առաջին անգամ է և ընդգծել, որ այն շատ տպավորիչ գյուղ է:
«Իրականում ես շատ եմ ուզում այցելել հատկապես գյուղեր: Իհարկե, միշտ չէ, որ ստացվում է, բայց մի օր շատ հնարավոր է պատահական, առանց զգուշացնելու այցելեմ»,-ասել է վարչապետը: