1 րոպեի ընթերցում
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ։ Երևանի քաղաքապետարանը մտադիր է ընդլայնել հասարակական տրանսպորտի առանձնացված գոտիները և ավտոպարկը։ «Արմենպրես»-ի փոխանցմամբ՝այս մասին ասաց Երևանի քաղաքապետ Տիգրան Ավինյանը խորհրդարանում ԱԺ մշտական հանձնաժողովների համատեղ նիստում «ՀՀ2023 թվականի պետական բյուջեի կատարման մասին» տարեկան հաշվետվության քննարկմանը:
«Երևան քաղաքում հանրային տրանսպորտը ստանալու է առաջնահերթություն և իր համար նախագծվելու են առանձնացված գծեր, որոնք անելու ենք ամբողջական՝ այն հատվածներում, որտեղ ամենաինտենսիվ հանրային տրանսպորտի երթևեկություն ունենք։
Սա համադրելու ենք նաև մեր մետրոպոլիտենի աշխատանքի հետ։ Մեր մոտ էականորեն գծերի քանակը նվազելու է, բայց մարդկանց քանակը տրանսպորտով տեղափոխվող էականորեն ավելանալու է»,-ասաց Ավինյանը։
Քաղաքապետի խոսքով՝ Երևանի հանրային տրանսպորտը ևս 250 հատ 18 մետրանոց ավտոբուսի կարիք ունի։