Շանթ Սարգսյանը Վլադիմիր Դվորկովիչի հուշամրցաշարի առաջատարներից է

ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Հայաստանը ներկայացնող գրոսմայստեր Շանթ Սարգսյանը ղազախական «Aktobe open»-ի` Վլադիմիր Դվորկովիչի հուշամրցաշարի առաջատարների թվում է:

«Արմենպրես»-ի հաղորդմամբ` 6 տուրերից հետո Շանթ Սարգսյանը և ևս 2 շախմատիստ հավաքել են 5-ական միավոր: Մանուէլ Պետրոսյանն ունի 4․5 միավոր:

Վլադիմիր Դվորկովիչի հուշամրցաշարի ավարտին մնացել է 3 տուր:

«Aktobe open»-ին մասնակցում է 90 շախմատիստ՝ աշխարհի 22 երկրից: Այն կեզրափակվի հունիսի 2-ին: