Հրանտ-Լեոն Ռանոսը կարիերան կարող է շարունակել երկրորդ Բունդեսլիգայում

ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Հրանտ-Լեոն Ռանոսը հնարավոր է նոր ակումբ կունենա:

«Արմենպրես»-ի հաղորդմամբ` գերմանական Gladbachlive-ը գրում է, որ Ռանոսը կտեղափոխվի Դյուսելդորֆի «Ֆորտունա»-ն, որը մոտ էր Բունդեսլիգայում հանդես գալուն, սակայն նոր մրցաշրջանում կշարունակի պայքարը երկրորդ Բունդեսլիգայում:

Հրանտ-Լեոն Ռանոսն ավելի վաղ հանդես է եկել «Բավարիա»-ի երկրորդ թիմում և այժմ էլ դեռևս հանդիսանում է Մյունխենգլադբախի «Բորուսիա»-ի ֆուտբոլիստ:

20-ամյա Ռանոսը Հայաստանի ֆուտբոլի ազգային թիմի կազմում անցկացրել է 5 խաղ: